20-oktyabr kuni go'zal universitetimiz hududida Cinefiesta uslubida Freshmen party bo'lib o'tdi. Bu qiziqarli, musiqa va raqsga boy unutilmas voqea bo'ldi.  DJ Lee o'zining zamonaviy musiqiy kompozitsiyalari bilan o'ziga xos muhit yaratdi. Kecha yulduzlari sifatida “Raqs” klubining iqtidorli qizlari o‘z chiqishlari bilan barchani lol qoldirdi.  Bundan tashqari, mehmonlar uchun turli xil shirinliklar va ichimliklardan iborat "foodzone" tashkil etildi. Birinchi kurs talabalarini o'zini katta Adju oilasining bir a'zosidek his qilishi uchun qulay va do'stona muhit yaratildi.

Shvetsariya davlatining Arxitektura Muzeyining vakili Yuma Shinohara tomonidan Adju talabalari uchun mahorat darsi o'tkazildi. Professor Yuma Shinohara talabalarga Shvetsariya muzeyining tajribalari va faoliyati bilan o'rtoqlashdi. Ma'ruza qiziqarli faktlar, misollar va ilhomlantiruvchi g'oyalardan tashkil topdi. Tadbir davomida, Shvetsariya Arxitektura Muzeyi direktori janob Andra Ruby ishtirokida tashkilotlar o'rtasida hamkorlik memorandumi rasmiylashtirildi.

10-oktabr kuni Adju universitetida Koreyaning Xangul bayrami nisholandi.  Ushbu bayram Koreyaning eng muhim madaniy yutuqlaridan biri bo'lgan koreys alifbosi Xangulning yaratilishiga bag'ishlangan.

Toshkent Shahridagi Adju Universiteti rektori G. Muratov Koreyaning 2-"K-suv jamiyati" xalqaro konferensiyasida ishtirok etdi.  Konferensiyada O‘zbekiston hududlarida suvni tejamkorligini oshirish, suvni qayta ishlash va tozalash shuningdek Markaziy Osiyo davlatlarida kutilayotgan suv tansiqligini oldini olish masalalari muhokama qilindi.  Tadbir davomida Toshkent Shahridagi Adju universiteti, Koreyaning “K-water" xalqaro tashkiloti hamda “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti o‘rtasida hamkorlik memorandumi imzolandi. Ushbu hujjatga muvofiq tashkilotlar o‘zaro hamkorlikni yo‘lga qo‘yishi kelishildi.  Konferensiya yakunida "Innovator suv muhandislik g‘oyalari” konkursining g‘oliblari taqdirlandi. Jumladan tanlovning “Kelajak yulduzi” nominatsiyasida Toshkent Shahridagi Adju Universiteti talabalari g‘olib deb topildi.

Toshkent shahridagi Adju Universitetida Koreya milliy bayrami Chusokga bag'ishlangan tadbir bo'lib o'tdi Har yili an'anaviy tarzda nishonlanadigan ushbu tantana «Xosil bayrami» degan ma'noni anglatadi. U odatda oy taqvimi bo‘yicha sakkizinchi oyning 15 kunidan boshlab uch kun davomida nishonlanadi. Bu sana kuzgi yig‘im-terim paytiga to‘g‘ri keladi.

Adju universitetida shaxmat, voleybol va stol tennisi bo'yicha "talabalar ligasi" o’tkazilmoqda! Bu har kuni ko'plab talabalarni jalb qiladigan qiziqarli musobaqadir. Shaxmat, voleybol va stol tennisi bu nafaqat sport, balki intellektual va jismoniy qobiliyatingizni rivojlantirish uchun ajoyib imkoniyatdir.