Har bir sohada raqamlashtirish jarayoni jadal rivojlanishi va internet tarmogʼining keng tarqalishi biznes boshqaruvi tizimini tubdan oʼzgartirish zaruriyatini keltirib chiqarmoqda.

Ushbu yangi talablarni qoniqtirish maqsadida IT Business taʼlim yoʼnalishini tashkil etish ehtiyoji tugʼildi va unda asosiy eʼtiborni biznes boshqaruvidagi mavjud anʼanaviy tamoyillarni ilgʼor axborot texnologiyalari bilan integratsiyalashuviga qaratiladi.

IT Business fakulteti axborot texnologiyalari va biznes boshqaruvining nazariy va amaliy tomonlarini oʼz ichiga olgan mukammal oʼquv dasturini taqdim etadi.

Mazkur dastur anʼanaviy biznes boshqaruvining asoslari - moliya, buxgalteriya hisobi, inson resurslari va ishlab chiqarishni tashkil etish fanlarini raqamlashtirish bilan uygʼunlashtirilgan holda oʼqitiladi.

Shu bilan birga, IT biznes boshqaruvi koʼnikmalarini chuqur oʼzlashtirish uchun talab qilinadigan axborot texnologiyalarining asosiy fanlari ham oʼrgatiladi.

IT Business fakulteti Biznes Аdministratsiya, IT Business va Аxborot Texnologiya taʼlim yoʼnalishlarining asoslarini umumlashtirgan oʼquvdasturini tatbiq qiladi. Shuningdek, fakultet Janubiy Koreyaning Аdju universiteti koʼmagida xalqaro taʼlim standartlari asosida tayyorlangan, axborot texnologiyalarni mukammal egallagan yetuk kadrlarni shaklantiradi.