Jaholatga qarshi — ma’rifat bilan!

19.10.2026
16
Yangiliklar

Toshkent shahridagi Adju universitetida talabalar ishtirokida “Jaholatga qarshi ma’rifat” mavzusida ma’naviy-ma’rifiy uchrashuv bo‘lib o‘tdi.

Tadbirda O‘zbekiston Respublikasi Din ishlari bo‘yicha qo‘mitasi mas’ul xodimi hamda Meliqo'ziyev Jahongir va “Dinshunoslik va jahon dinlarini qiyosiy o‘rganish UNESCO” kafedrasi katta o‘qituvchisi Turambetov Nurilla ishtirok etib, talabalarga diniy bag‘rikenglik, ma’rifatning ahamiyati, missionerlik va uning mazmun-mohiyati haqida tushunchalar berdilar.

Uchrashuv davomida yoshlarni turli yot g‘oyalardan asrash, mustaqil fikrlash va ma’naviy immunitetni mustahkamlash masalalariga alohida e’tibor qaratildi.

Ma’rifatli yosh — kuchli jamiyat poydevori.