“Yoshlar va Zamonaviy Kasblar” mavzusida forum boʼlib oʼtdi

• 15.03.2023
• 1638
• Новости

“Yoshlar va Zamonaviy Kasblar” mavzusida forum boʼlib oʼtdi

Toshkent shahridagi Аdju universiteti va Toshkent viloyati xalq taʼlimi boshqarmasi bilan hamkorlikda Toshkent viloyatining oʼrta taʼlim maktab bitiruvchilari uchun forum tashkil qilindi. Tadbir 11 mart kuni Nurafshon shahrida boʼlib oʼtdi. 

Forum doirasida maktab bitiruvchilari uchun koreyalik professorlar tomonidan mahorat darslari va universitet haqida taqdimotlar oʼtkazildi shuningdek fan olimpiadasi va breyn ring oʼyini tashkil qilindi. 

Nurafshon shahar 1-sonli oʼrta maktabida boʼlib oʼtgan fan olimpiadasi viloyatning 260 dan ortiq maktab bitiruvchilari ishtirok etdi. Fan olimpiadasi matematika fanidan ingliz tilida oʼtkazildi. Taʼkidlash lozimki, koreyalik professorlar tomonidan test va yozma ish savollari tayyorlangan boʼlib, javob varaqalari ham ular tomonidan tekshiriladi. Natijalari yaqin kunlarda eʼlon qilinadi, fan olimpiadasi sovrindorlari va yuqori ball olgan ishtirokchilar qimmatbaho sovgʼalar bilan taqdilanishi bilan birgalikda universitetga imtiyozli ravishda kirish imkoniyatiga ega boʼladi.

Toshkent viloyatining tumanlaridan tashrif buyurgan 32 ta maktab jamoalari ishtirokida breyn ring oʼyini “Yoshlar markazi” binosida oʼtkazildi. Qiziqarli oʼtgan bahslarda Chirchiq shahrining 15-maktab jamoasi 1-oʼringa, Ohangaron shahrining 52-maktab jamoasi 2-oʼringa, Angren shahrining 23-maktab jamoasi 3-oʼringa loyiq deb topildi. Tadbir yakunida gʼolib jamoalarga universitetning esdalik sovgʼa va sertifikatlar topshirildi.

• Поделиться :