Oshxona

Toshkent shahridagi Adju universitetida siz mazali taomlar nafaqat zavq-shavq manbai, balki madaniyat, an’analar va kundalik hayotning muhim qismi ekanligini anglaymiz. Shu boisdan kampusimizda to‘rtta betakror oshxona tashkil etilgan bo‘lib, talabalar O‘zbekiston va Koreya oshpazlik san’atining boy taomlaridan bahramand bo‘lishlari, shuningdek, Yevropa oshxonasi taomlarini ham tatib ko‘rishlari mumkin.
 

Koreys taomlariga ixtisoslashgan kafeteriyalar talabalarga Janubiy Koreya ta’mlari va an’analarining rang-barang olamiga sho‘ng‘ish imkonini beradi. Bu yerda siz koreys madaniyatining ramziga aylangan bibimbap, kimchi, ttokpokki va boshqa mashhur retseptlar kabi an’anaviy taomlarni topasiz. Makonning nafis dizayniga alohida e’tibor qaratilgan: interyerni mashhur koreys taomlarining suratlari bezab turibdi, bu esa shinamlik va milliy ruh muhitini yaratadi. Bu yangi ta’mlarni kashf etishni yoki sevimli koreys tansiq taomlaridan bahramand bo‘lishni istaganlar uchun ajoyib joy.

Keyingi manzil o‘zbek va yevropa taomlarining o‘ziga xos uyg‘unligini taqdim etadi. Bu yerda siz an’anaviy o‘zbek salatlari, kabob va lag‘mon bilan bir qatorda, pitsa, pasta va sendvichlar kabi mashhur Yevropa taomlarini ham tatib ko‘rishingiz mumkin. Menyuning xilma-xilligi har bir talabaga o‘z didiga mos keladigan taomni topish imkonini beradi, xoh to‘yimli tushlik bo‘lsin, xoh yengil tamaddi. Ushbu oshxona Sharq va G‘arbning eng yaxshi an’analarini uyg‘unlashtirgan holda, madaniyatlar uyg‘unligining haqiqiy timsoli bo‘lib qoldi.

To‘rtinchi oshxona - bu faqat an’anaviy o‘zbek to‘y oshi tortiladigan alohida joy. Bu yerda har kuni mehmondo‘stlik va saxovatning nozik ramzi tayyorlanadi. Qadimiy retseptlar asosida pishirilgan osh o‘zining takrorlanmas ta’mi va xushbo‘y hidi bilan kishini lol qoldiradi. Oshxona zamonaviy jihozlar bilan ta’minlangan, do‘stlar bilan uchrashish yoki darslardan so‘ng dam olish uchun ajoyib joyga aylanadi. Oshxonaning ichki qismi milliy ruh bilan yo‘g‘rilgan: bu yerda har bir talaba o‘zini xuddi uyidagidek his qiladigan oilaviy muhit hukmron.

Adju oshpazlari o‘z kasbiga fidoyi, yuqori malakali mutaxassislardir. Ular talabalarga taomlarning yuksak sifatini taqdim etish uchun doimo o‘z mahoratlarini oshirib boradilar.

Milliy o‘zbek taomlaridan tortib xalqaro noyob taomlargacha - bizning oshxonalarimizda har qanday didga mos keladigan taomlar mavjud. Ochilganimizdan beri oshxonalarimiz tez orada talabalar qalbini zabt etib, universitet hayotining ajralmas qismiga aylandi.
 

Har bir kafeteriy qulay va do‘stona muhit yaratish uchun barcha jihatlarga e’tibor bilan loyihalashtirilgan.

Tashrif buyuring va o‘zingiz guvoh bo‘ling: bizning oshxonamiz shunchaki ovqatlanish joyi emas, balki ta’m, an’analar va madaniyatning haqiqiy bayramidir!

Toshkent shahridagi Adju universitetining kulinariya xilma-xilligidan bahramand bo‘lish uchun bizga qo‘shiling!