Maktab o‘quvchilari Toshkent shahridagi Adju universitetida kelajakka qadam qo‘ymoqda!

• 03.02.2025
• 243
• Yangiliklar

Toshkent shahridagi Adju universitetida 7-8-yanvar kunlari maktab va litsey bitiruvchi o‘quvchilari o‘rtasida "Kelajak muhandisi" xalqaro olimpiadasi bo‘lib o‘tdi. Ushbu anjumanda respublikamizdan 500 ga yaqin iqtidorli o‘quvchilar o‘zlarining aql-zakovati, ijodkorligi va innovatsion tafakkurini namoyish etdi.

Ishtirokchilar o‘zlarining yorqin loyihalari bilan hakamlar hay’atini hayratda qoldirdi:

Yosh arxitektorlar tomonidan qog‘ozdan yaratilgan arxitektura maketlari og‘irlik bilan sinovdan o‘tkazildi.

Kelajak muhandislari sun’iy intellektdan foydalangan holda murakkab qurilish konstruksiyasini loyihaladi va maketini bunyod qildi.

Bo‘lajak kompyuter mutaxassislari murakkab IT-vazifalarni bajardilar  hamda skriptlar va ilovalar yaratdilar. 

Ishtirokchilarning ijodiy ishlanmalari koreyalik professor va yetakchi mutaxassislardan tashkil topgan hakamlar hay’ati tomonidan baholandi. G’olib bo‘lgan 28 nafar  o’quvchilarga Toshkent shahridagi Adju universitetiga imtiyozli shartnoma asosida kirish imtihonlarisiz o‘qishga qabul qilinganliklari to‘g’risidagi sertifikatlar topshirildi.

Adju universiteti xalqaro miqyosda ta’lim beradi va yangi cho‘qqilarni zabt etishga ilhomlantiradi!

• Share :